بھارت کا ایک اور جنگی طیارہ تباہ
اسلام اباد( خصوصی رپورٹ )بھارتی ائیر فورس کا ایک لڑاکا طیارہ Sukhoi Su-30MKI ریاست Assam میں گر کر تباہ ہوگیا، جس کے نتیجے میں دونوں پائلٹ ہلاک ہوگئے۔
میڈیا رپورٹس کے مطابق طیارہ شہر Jorhat کے ایئر بیس سے تربیتی پرواز کے لیے روانہ ہوا تھا، تاہم پرواز کے کچھ ہی دیر بعد اس کا ریڈار سے رابطہ منقطع ہوگیا۔
بھارتی فضائیہ کے مطابق طیارہ جورہاٹ سے تقریباً 60 کلومیٹر دور Karbi Anglong کے پہاڑی علاقے میں گر کر تباہ ہوا۔ حادثے کے بعد سرچ اور ریسکیو ٹیمیں فوری طور پر جائے وقوعہ پر پہنچ گئیں۔
حادثے میں اسکواڈرن لیڈر اور فلائٹ لیفٹیننٹ سمیت دونوں پائلٹ جان کی بازی ہار گئے۔ بھارتی فضائیہ نے واقعے کی وجوہات جاننے کے لیے تحقیقات شروع کر دی ہیں۔
واضح رہے کہ یہ روسی ساختہ لڑاکا طیارے سن 2000 میں بھارتی فضائیہ کے بیڑے میں شامل کیے گئے تھے اور انہیں فضائیہ کی اہم قوت سمجھا جاتا ہے۔
دوسری جانب بعض رپورٹس کے مطابق گزشتہ تین دہائیوں کے دوران بھارتی فضائیہ کو متعدد فضائی حادثات کا سامنا کرنا پڑا ہے، جن میں کئی پائلٹس ہلاک ہوئے۔ دفاعی ماہرین کے مطابق اس رجحان کے اسباب جاننے کے لیے تکنیکی اور آپریشنل پہلوؤں کا جائزہ لیا جاتا رہا ہے۔
