مشینی جمہوریت سب برہنہ ہیں مرحوم سی أر شمسی کی اخری تحریر 

مشینی جمہوریت ‘ سب برہنہ ھیں!
راستہ
۔۔۔۔۔۔۔۔۔۔۔
سی آر شمسی
آج دنیا میں جمہوریت کا دن منایا جارہا ھے’ جہاں جہاں جمہور کی حکمرانی ھے وھاں اسے مستحکم’باوقار
بنانے کی سوچ کو اجاگر کیا جائے گا تاکہ
عوام مزید طاقتور ھوسکیں۔۔
جمہوریت کے ثمرات بلاتفریق سمیٹ سکیں۔۔۔
اس میں شک نہیں کہ ترقی
کی کنجی لوگوں کے پاس ھوتی ھے بشرطیکہ کے ان کی رائے کا احترام کیا جائے’
چوری نہ کیا جائے۔۔!
دنیا اس حقیقت سے آگہی کی منزلیں طے کرچکی’
ایک ھم ھی بدقسمت ھیں کے سچی جمہوریت
کی تلاش میں بھٹک رھے ھیں’
سارے سیاستدان صبحِ’ شام ورد
جمہوریت کا ضرور کرتے ھیں لیکن
اس لفظ کے معنی کیا ھیں’روح کیا ھے
اس سے نابلد ھیں’اس کا مطلب ھرگز یہ نہیں کہ پاکستان کے لوگ جمہوریت سے نا آشنا ھیں’ھر گز نہیں
جمہوریت کیلئے سیاسی کارکنوں کی قربانیوں کی داستانیں تو لہو سے رقم ھیں۔۔۔۔۔’
واردات یہ ھے کہ وہ ھر بار لٹ جاتے ھیں’
وہ ھار جاتے ھیں’ خواب لوٹنے والے
حاکم بن جاتے ھیں’
بدنام جمہوریت ھوتی ھے’
اتنی بدنام ھوتی ھے کہ اس کی با بار تدفین کی راہیں ھموار ھوتی چلی جاتی ھیں۔۔۔!
بات دور نکل جائے گی ۔۔۔۔
آج پون صدی بعد بھی بین کرتی جمہوریت کہٹرے میں
کھڑی گرد میں راہیں تلاش کر رھی ھے’
ابھی تک یہ راستہ مل نہیں پا رھا کہ
جمہور کی رائے کو چوری ھونے سے کیسے بچایا جائے’
پہرے دار کون ھونا چاہئے؟
عدلیہ کی نگرانی میں باربار تجربے ھوئے ‘
ھر بار الیکشن چوری ہوئے یہاں تک
“عدل” بھی اپنی ساکھ کھو چکا۔۔۔۔!
غیر جماعتی ‘ سوار بھی فصلوں کو روند گئے۔۔۔
گریجویٹ “اسمبلی کو بھی منہ کی کھانی پڑی۔۔!
ووٹ کی نگرانی “دفاعی ادارے کو دی جائے’
مطالبے ھوتے ھیں۔۔’
تجربے ھوتے رھے۔۔۔
ناکام ھوئے۔۔۔’
اب یہ نسخہ بھی کار گر نہیں رھا۔۔!
نتیجہ ۔۔۔’
سیاسی گرد”گہری ھوتی ھے ‘
اندھیرہ ھوتا ھے تو جمہوریت ڈوب ‘
آئین تحلیل ھوتا ھے’
برس سہا برس گذرتے ھیں’
وحشت کے ڈیرے ‘قبرستان کی خاموشی ھوتی ھے۔۔۔تو پھر جمہوریت کی
تدفین مشکل نہیں ھوتی۔۔۔۔۔
شارع دستور’سے
” نظریہِ ضرورت” کے کفن تیار ملتے ہیں۔۔۔!
کندھا دینے کیلئے باوضو یتیم سیاستدانوں کی
کیھپ لائن میں ھوتی ھے’
بات پھر دور چلی گئی۔۔۔۔
کہنے کو جمہوریت آج بھی ھے’
جس کی خواہش شدید ھے ۔۔۔
اگلی باری پھر ھماری۔۔۔مگر کیسے؟
سارے تجربے ہوچکے’
اب اک نئے سائنسی فارمولے کی بازگشت ھے ‘
یعنی مشینی جمہوریت۔۔۔۔!
اس کی کامیابی کیلئے “صحافت “کی خاموشی
اٹل ھے’
آرڈیننس بھی تیار ھے۔۔۔!
اپوزیشن جماعتوں کا انکار اپنی جگہ مگر باہمی لڑائیوں سے ان کی طاقت چھن چکی’
تاھم تاریخ میں پہلی بار الکیش کمیشن
نے اپنے ماضی کے گناہوں کا ازالہ کرنے کی کوشش کرتے ھوئے سچائی کی انگڑائی لی ھے ‘
مشینی ووٹنگ کو
ناقابلِ عمل قرار دیا ھے۔۔تو
اسے جہنم کی آگ کا سامنا ھے۔۔۔!
عقل کا اندھا کوئی بھی نہیں۔۔۔
سب جانتے ہیں کہ
جمہوریت کا راستہ تو آئین کے پاس ھے جو
بند گلی میں ھے۔۔۔!
جس کا تالہ کھولنے کو کوئی تیار نہیں۔۔
کیونکہ اس کے سامنے
سب برہنہ ھیں۔۔۔!
جمہور “الاؤ” میں ھے۔۔۔
آؤ جمہوریت کا دن منائیں۔۔۔!!