ایک درویش حکمران کی روضہ رسول پر حاضری

سردار سلیم حیدر خان، گورنر پنجاب کی روضۂ امام حسینؑ پر حاضری

رانا تصدق حسین

لاہور: گورنر پنجاب سردار سلیم حیدر خان نے روضۂ امام حسینؑ پر نہایت عقیدت و احترام کے ساتھ حاضری دی اور کربلا کے عظیم شہید کی لازوال تعلیمات—حق، انصاف، صبر اور ظلم کے خلاف استقامت—سے اپنی وابستگی کا اعادہ کیا۔
حاضری کے موقع پر گورنر پنجاب نے دعا کی اور امام حسینؑ کے اُس ابدی پیغام پر غور کیا جو ہر دور میں انسانیت کو اخلاقی جرات اور اصولی جدوجہد کی راہ دکھاتا ہے۔ انہوں نے کہا کہ کربلا محض ایک تاریخی واقعہ نہیں بلکہ ایک زندہ ضمیر ہے جو قوموں کو جبر، ظلم اور باطل کے سامنے ڈٹ جانے کی ترغیب دیتا ہے۔
اپنے تاثرات قلم بند کرتے ہوئے گورنر پنجاب نے یہ شعر تحریر کیا جو امام حسینؑ سے حاصل ہونے والی غیرمتزلزل ایمان اور حوصلے کی عکاسی کرتا ہے:

“سو بار مشکلات نے چاہا تھا گھیرنا
سو بار ہم حسینؑ کی چوکھٹ پہ گِر پڑے”

گورنر پنجاب نے کہا کہ آزمائش، انتشار اور مشکلات کے ادوار میں امام حسینؑ کا راستہ مظلوموں اور حق پر قائم رہنے والوں کے لیے آخری اور محفوظ پناہ گاہ ہے۔ انہوں نے اس بات پر زور دیا کہ قربانی، دیانت اور استقامت جیسے حسینی اصولوں پر عمل پیرا ہو کر ہی ایک منصفانہ، انسان دوست اور اصولی معاشرہ تشکیل دیا جا سکتا ہے۔
حاضری کا اختتام پاکستان میں امن، اتحاد اور استحکام کے لیے خصوصی دعاؤں کے ساتھ ہوا، جبکہ پیغامِ کربلا کی روشنی میں قومی زندگی میں اخلاقی اقدار کے فروغ کی دعا بھی کی